2010年 首爾自由行 17/4 day 2 (PART A)

 

(HOTEL—>大公園站—>首爾大公園—>玫瑰園—>新村—>韓燒—>HOTEL)

9:00am 就起身，食返尋日係景福宮既包店。用微波爐叮返熱，

沖洗後，10:30am左右就出門，就乘坐地鐵大公園(437)
地鐵4號線首爾大公園站2號出口

係2號出口之後，就見到好多小販店，而且有一望就見到”首爾大公園”

由於好多小食，買返d小食來吃^^ v
有d似魚蛋味既條，1000won/條

雞串燒，都幾好味 v^^v 1500 won/條

係果度，勁多呢d店…不過唔幾岩口味…so無try過。

當時都近12:00pm，kfc買10000 won 2人餐，我地怕入面應該會貴好多..
食飽飽先入去。台灣KFC 都試過，今次試下韓國KFC點樣先…

SET包埋2飲品，可口可樂同香港版唔同，係瘦身D。

之前買左既烤魷魚 3000won/隻

食完之後，就去買套票。

套票包括( 入場卷+大象列車+空中纜車(一程)
一套8000 won/人
係呢個櫃位買。

由於公園好大，去大公園內既動物園幾遠下，so買多張一程大象車(tramcar)
800 won/人。(特別買一張，要呢d櫃位買的，係之前個位係無得買。)

其實仲有一個買空中纜車櫃位，不過試一程就夠..因為同香港係唔同，
so我最特別期待坐的。
雖然我地2個人，不過一張票已經代表2個人啦..唔同香港，一個人一張票。
套票係白色及粉紅色，藍色係單程
由於上去動物園果程幾斜，去果程記得先用粉紅色果張，唔好用藍色果張，
係有原因的。
粉紅色果張係大象車及纜車，take 纜車時候，個職員會收左成張票，
相中因為用左乘車已經撕左尾果段。

乘大象車之後，記得第一個停既站，就要下車，否則只係去另一個地方，
一個循環又會返回地方。
當日，我地仲以為架車之後去上面，係回程之後先知，當初決定係無錯。
入門口之後，就見到一隻好大既假老虎。

周圍都亦好多小食店，其實又唔太貴…so值得一試.
後面係手信店，又係有公仔買地方^^

最愛take張相留念既汽水機，係台灣既木柵都拍過，不過當然價錢無台北咁平>w<

買左杯熱咖啡，300won/小杯。都頗好飲^^v

係真的，唔係假的。

首先行非洲區

係上次木柵無見到既長頸鹿。

由於好多動物相，post唔晒，想睇就去相簿看^^
一路行，向上看都見面空中纜車，只係一張長椅，感覺好正面^^

呢度睇植物，有仙人掌、花…好靚

一直向上行，真係頗累…其實真係最好先take左架車上，之後慢慢向下行，
係最好的。
當然差不多4:30pm左右，終於行到上面既空中纜車地方，
等左好耐，終於可以坐啦…(我似為左坐呢架車而來，呵呵~)
坐呢架車前，個職員要你係下一架車未來之前，指你去指定地方站係度..
架車一來，就即坐上，之後佢地將安全鐵架拉下…
架車出發啦~~~

下面有個網的，比香港纜車舒服好多，而且又唔會無啦啦停係度。
好正feel~~最衰只可以坐一程>w<，再坐就要俾錢。

架纜車就到站既時候，記得將前面鐵架拉上..
其實架唔係鎖死…咁當然唔係中途拉上，係好危機!!
如果自己唔拉上，到站就好麻煩啦…
因為職員會立即拉你出來，唔係就轉一圈。
返回原地，都差不多5:30pm左右，而且又再無咩野睇，
係手信店買d野之後就離開。