10月6日
收工之後，決定miss英文堂去瑪嘉烈醫院睇皮膚。
去到急証室，(當中量2次血壓)點知……wa 上壓爆燈，醫生拿拿臨叫入醫院。
其實我唔係好想入，我立即講”我要返工wo~~~”
but醫生講命仔緊要，so一定要我入 ，話我咁樣隨時”中風”，唔入唔得，
仲話我女性問題，覺得我脂肪唔balance，肥中間有問題，要check埋。
當晚第一次”吉”手指驗血糖。又量血壓當晚要戒飲食。
幸好一早食左晚餐先睇醫生。
10月7日
一早，8點第一次抽血，”吉”第二次手指，之後又量血壓，
其實果陣血壓都只係偏少少……
抽完血之後，果陣8點，終於可以食早餐，所謂不進飲食都只係一晚(8個鐘)而己。
早餐是”淡金粟碎肉粥” 果然幾淡下…哈哈
9點主疹醫生，問我d問題之後，之後全日都間唔出現。
午餐是時菜、淡，洋蔥雲耳炆肉片飯。加橙。味道都ok，其實都幾好吃。無想像中，
人地講醫院既野唔好食feel。
下午，好似3點的時候，我在睡午睡，突然收到花籃。
原來係公司老闆安排送來，果陣都幾開心，真係多謝! Simon。
晚餐是 時菜、淡，粟米白汁雞球飯。
有個病友係早上送院，同佢都幾好傾，幸好唔駛咁悶。
不過當日下午，護士要留24小時小便= =。
之後又醫生安排左營養師睇我，
當然要我唔好食咩，要健康減肥，約我4個月後要再見她。
一星期1磅，4個月要減16磅。
當日，我妹，同事candy、vaness來探我。
當中又量左幾次血壓= =……一日最少4,5次….
只係好記得4am要量、8am又要量，12pm好似又要量，4pm又要量
8定9pm又要量血壓。(每日如是)
10月8日
由於病友身體轉好，下午要出院了，又悶。
一早又”吉”第三次手指。當日早上，有個百歲婆婆不在人世，
當時心情都幾麻，平時見唔到野，今次親眼見到。
真係珍惜眼前人。
早餐是高纖豬肉粥。
照舊，醫生9點半睇完我之後，又要我休息。
其實我帶左d書來，不過無咩心情溫書。
不過都望多一陣。
午餐是時菜、淡，茄丁汁雞柳飯，加橙。
3:15pm，完成任務之後，
下午6點，護士講要針支類似吸管野在左手背，仲講話要吊水。
當時嚇得我，令我想喊= =
晚餐是時菜，淡，葡汁梅肉粒飯、加橙同脫脂奶
探病時間一過，我就立即沖涼，費時一陣麻煩。
7點半….真係有護理員幫我打針插支管入手背。當時，真係流晒血，
好痛……..不過忍痛。
但過之後，都唔見有護士俾水我吊水，我問問…..原來唔駛吊水，
只係方便第二日打藥測試。
當場果心都安落返晒….仲以為好嚴重。
當晚又”吉”第四次手指=w=…….好痛。
10月9日
一早又要”吉”第五次手指。又要第二次抽血。
早餐是低鹽冬菇碎雞粥。
食完早餐，打藥測試，睇身體吸引如何，半個hrs，又要第三次抽血，
當時左手手中央，抽左2次，叫護士換右手，點知右手中央感唔到血管，
換左抽右手背既血………..點知痛得我………=x=
千萬唔好抽血用手背，真係痛死。
午餐是時菜，淡、金針雲耳杞子汁肉片飯。加橙
之後成個下午都係休息。都係無藥食。only休息。
由於主疹休息，要等回來先知幾時出阮=w=。
當時我想，再唔出院，公司好多野do……d野堆積如山。
d朋友叫我唔好想太多啦…..唔入都入左醫院。
咁難得可以完全真係100%休息，仲想公司d野。辛苦命嗎!?
不過我覺得寧願做野，都好過全日咁悶….呢d叫係唔係叫”犯賤”呢!?
晚會是時菜、淡、枝竹青椒雞柳飯，加橙同脫脂奶。
當晚又”吉” 第六次手指=w=
10月10日
一早又”吉”第七次手指= = 手指花晒……好想出院當時。
又抽第四次血。
早餐是低鹽碎豬粥。
正當我滿心歡喜，等主疹問他何時出院，點知又係放假。
好似一個見習醫生叫我等星期一先，話我有d地方問題。
等主疹決定，當時，我心情好down 好down=w=…..
心想今日下午返唔到日文……點算…..依家d堂唔上好難跟，
深左好多。
點知12點，有個大醫生睇每一個病人。佢批左我出院，當時我仲未知。
因為唔覺佢點睇過我，可能睇我file咋….佢主要check睇老人家。
午餐是時菜、淡，草茹珍珠筍白菌甘筍雞絲飯，加橙。
護士1點講，大醫生批左我出院啦。
今早見習醫生講，原因好似係我今早血糖無問題，
果d病可以覆疹再睇。可能仲後生，唔大影響掛……
主要睇皮膚醫生就唔駛我覆疹=w=…..唔通真係身體出左問題先搞成咁=w=
當時聽到真係好開心。…..可以出院開心死。點知我forget問醫生拎假紙，
幸好護士緊張過我，同我再拎返。
2點俾埋錢，拎埋藥就搞好出院手續。
4:45pm 我當然照返日文堂….唔駛miss堂so good。
真係要減肥，呢幾日，見到好多既野，
真係唔想打針、插管先可以食野…..真係好恐怖….
之後真係戒食好多野。
好彩今個月入醫院，if下個月生日月入，真係大吉利時。
沒有留言:
張貼留言